Archivo de categoría: Anuncios

Disculpa, pero esta entrada está disponible sólo en galego.

*INICIALMENTE CONVOCADA PARA O LUNS 26 DE ABRIL, FOI ADIADA POLO APAGAMENTO ELÉCTRICO XERAL NA PENÍNSULA IBÉRICA DESE DÍA Ó LUNS 12 DE MAIO. XA REFLECTIDO NA PRESENTE CONVOCATORIA*

Prezados/as membros da Asociación Deportiva, Ecoturística, Cultural e Entusiasta Tenorio Rural Bootcamp:

Pola presente notificación convócovos á asemblea xeral ordinaria da Asociación Deportiva, Ecoturística, Cultural e Entusiasta Tenorio Rural Bootcamp.

Tense previsto que dita asemblea se celebre o vindeiro 12 de maio (luns) ás 20:30 horas en primeira convocatoria e ás 21:00 horas en segunda convocatoria, na sede da asociación: o noso lugar habitual de adestramentos, situado no lugar de Torrevella, número 10 da parroquia de San Pedro de Tenorio, concello de Cerdedo-Cotobade, provincia de Pontevedra.

Así mesmo, poderase participar conectándose por medios electrónicos (teléfono, mensaxería instantánea, videoconferencia) que permitan identificar ás persoas participantes.

ORDE DO DÍA:

1. Lectura e aprobación, se procede, da acta da asemblea anterior.
2. Memoria de actividades do ano 2024.
3. Balance de ingresos e gastos de 2024 e o que levamos de 2025.
4. Altas e baixas de membros da asociación.
5. Votación da continuación / substitución de membros da xunta directiva.
6. Orzamento para 2025 e votación de propostas para programar actividades.
7. Rogos e preguntas.

Dados os temas para tratar, rógovos encarecidamente a vosa asistencia á asemblea, pois acordos adoptados obrigarán a todas as persoas asociadas, incluso as non asistentes.

Se a alguén lle é imposible acudir, pode delegar a súa representación noutra persoa membro da asociación expresándoo explicitamente de xeito que se poda corroborar a súa identidade.

Aproveito a ocasión para enviarvos un cordial saúdo.

A presidenta

Disculpa, pero esta entrada está disponible sólo en galego.

Prezados/as membros:

Éme moi grato convocarvos á asemblea xeral ordinaria da Asociación Deportiva, Ecoturística, Cultural e Entusiasta Tenorio Rural Bootcamp.

Tense previsto que dita asemblea se celebre o vindeiro 22 de febreiro (xoves) ás 20:30 horas en primeira convocatoria e ás 21:00 horas en segunda convocatoria, na sede da asociación: o noso lugar habitual de adestramentos situado no lugar de Torrevella, número 10 da parroquia de San Pedro de Tenorio, concello de Cerdedo-Cotobade, provincia de Pontevedra.

Así mesmo, poderase participar conectándose por medios electrónicos (teléfono, mensaxería instantánea, videoconferencia) que permitan identificar ás persoas participantes.

ORDE DO DÍA:

1. Lectura e aprobación, se procede, da acta da asemblea anterior.
2. Memoria de actividades do ano 2023.
3. Balance de ingresos e gastos de 2023.
4. Altas e baixas de membros da asociación.
5. Votación da continuación / substitución de membros da xunta directiva.
6. Orzamento para 2024 e votación de propostas para programar actividades.
7. Rogos e preguntas.

Dados os temas para tratar, prégovos encarecidamente que asistades á asemblea, pois os acordos adoptados afectarán a todas as persoas asociadas, incluso as non asistentes.

Se a alguén lle é imposible acudir, pode delegar a súa representación noutra persoa membro da asociación expresándoo explicitamente de xeito que se poida corroborar a súa identidade.

Aproveito a ocasión para enviarvos un cordial saúdo.

A presidenta

Disculpa, pero esta entrada está disponible sólo en galego.

A pesar das circunstancias, onte foi outro gran día en Tenorio Rural Bootcamp.

A nosa adestradora está de baixa indefinida dende o 1 de xullo porque se descubriu que padece un cangro, pero dende entón achegouse varias veces a botarlles unha ollada ós nosos adestramentos, que agora facemos por libre.

Onte reunímonos antes da súa viaxe a Madrid para tratar alí a súa doenza e así volver reunirnos pronto con aínda máis forza.

¡Coidádevos! ¡Coidémonos!

Graciñas, Josefina, polo vídeo e o traballo de brazo .

Disculpa, pero esta entrada está disponible sólo en galego.

Hoxe ensaiaremos coreografías de abdominais.

Disculpa, pero esta entrada está disponible sólo en galego.

O próximo mércores, día 21 de outubro, non haberá sesións de bootcamp.

Podedes compensalo o martes ás 18 horas ou ben ás 20 horas.

Desculpade as molestias…

Disculpa, pero esta entrada está disponible sólo en galego.

Presentámosvos á nosa primeira graduada da Xeración Guateque: Fina, 64 anos de idade. 🙌🏼💪

Disculpa, pero esta entrada está disponible sólo en galego.

Onte, día 9 de setembro, a Xunta decretou o uso obligatorio de máscaras hixiénicas durante a práctica deportiva en espazos pechados.

En principio, a actividade no noso campo estaría exenta desta obligatoriedade das máscaras. Deixámolo á vosa discreción. Se chove e temos que poñernos a cuberto, si teriamos que levala todas as persoas segundo as directrices.

En calquera caso, seguide lavando as mans con frecuencia e mantendo as distancias de seguridade, traede sempre a vosa propia toalla e/ou esterilla e seguide axudando a manter limpos os obxectos de uso común, por favor.

Graciñas.

Máis información:

• Nova en La Voz de Galicia
• Anuncio no DOG
• Anuncio no DOG do 12 de xuño